இதில், சிறப்பு யாகம் வளர்த்து, மந்திரங்கள் முழங்க அம்மையப்பனுக்கு மாலை மாற்றி திருக்கல்யாணம் நடத்தப்பட்டது. சிறப்பு அலங்காரத்தில் அம்மையப்பன் பக்தர்களுக்கு அருள் பாலித்தனர். நிகழ்ச்சியில், 1,000க்கும் மேற்பட்ட பெண்கள் சீர்வரிசைகளுடன் கலந்து கொண்டு, அம்மனுக்கு மொய் எழுதினர்.

திருக்கல்யாணத்தில் கலந்து கொண்ட பெண்களுக்கு புடவை மற்றும் மங்கல பொருட்கள் பரிசாக வழங்கப்பட்டன. மாலை, 5:00 மணிக்கு அம்மையப்பன் திருவீதி உலாவும், மஞ்சள் நீராட்டு விழாவும் நடந்தன. இன்றிரவு, 7:00 மணிக்கு கும்ப பூஜையும், அன்னதானமும், கொடி இறக்குதலுடன், விழா நிறைவு பெறுகிறது.