நேற்று காலை, 10:30 மணிக்கு, அவதானப்பட்டி, நெக்குந்தி, சின்னமுத்துார், பெரியமுத்துார், அக்ரஹாரம் உள்ளிட்ட கிராமங்களில் இருந்து, 1,000க்கும் மேற்பட்ட பெண்கள் மாவிளக்கை ஊர்வலமாக கொண்டு சென்றனர்.நெக்குந்தியில் இருந்து முத்துமாரியம்மன் மற்றும் கரகமும்,

அவதானப்பட்டியில் இருந்து பூங்காவனத்தம்மன், மாரியம்மன், காளியம்மன், நாகதேவி மற்றும் பொன்கரகமும் இணைந்து, அவதானப்பட்டி மேம்பாலம் அருகில், தலை கூடும் நிகழ்ச்சி நடந்தது.

இதில், 20 அடி வரை அலகு குத்திக் கொண்டும், காளி மற்றும் அம்மன் வேடம் அணிந்தும், தீச்சட்டி ஏந்தியும், பக்தர்கள் வேண்டுதலை நிறைவேற்றினர். பெண்கள் மாவிளக்கை அம்மனுக்கு படைத்து வேண்டுதல் நிறைவேற்றினர். கோவில் முன்பு ஏராளமான ஆடு, கோழி பலியிட்டு நேர்த்திக்கடன் செலுத்தினர்.