ஓசூர் மாநகராட்சிக்கு வரியினங்கள் மூலம், இந்தாண்டு நிலுவை தொகையுடன் சேர்த்து, 150 கோடி ரூபாய் வரவேண்டிய வரு-வாயில், 34 கோடி ரூபாய் மட்டுமே வசூலாகி, 116 கோடி ரூபாய் வரவேண்டி உள்ளது. கடந்த, 2017ம் ஆண்டு முதல், கணக்கிட்டு, 'துாய்மை இந்தியா' திட்டத்தில் குப்பை வரியை நிலுவை தொகையுடன் செலுத்தும் உத்தரவால், மக்கள் பாதிக்கப்பட்டுள்-ளனர். இந்த உத்தரவை திரும்ப பெற வேண்டும். மாநகராட்சியில், 97,000 கட்டடங்களுக்கு வரி விதித்தும், 15,000 கட்டடங்களுக்கு வரி விதிக்கப்படாமலும் உள்ளது. வாகன ஷெட், மாடி படிக்கட்-டுகள் அளவீடு செய்து வரி விதித்துள்ளதை கைவிட வேண்டும். குறைவாக உள்ள பில் கலெக்டர்கள் எண்ணிக்கையை, கமிஷனர் உயர்த்த வேண்டும். மேலும், 3 மடங்கு வரி உயர்வால், மக்கள் மத்தியில் கவுன்சிலர்கள் செல்ல முடியவில்லை.இவ்வாறு, அவர் பேசினார்.வரி வசூல் செய்ய செல்லும் இடங்களில் பில்கலெக்டர்கள், மக்களை மதிப்பதில்லை என்ற குற்றச்சாட்டு கூறப்-பட்டது. அதற்கு பில்கலெக்டர்கள், 'கூடுதல் பணிகளை மேற்கொள்வதால், அதிக வேலைப்பளுவால், மன உளைச்சல் ஏற்படுகிறது. வரி விதிக்கும் ஏரியா வெவ்வேறு பகுதியில், 5 கி.மீ., தொலைவில் உள்ளதால், கடினமாக உள்ளது' என்றனர். முன்னதாக பேசிய, தி.மு.க., கவுன்சிலர் நாகராஜ், ''கவுன்சிலர்கள் கூறியும், பில் கலெக்டர்கள் பணிகளை செய்வதில்லை. வரி விதிப்பு மேற்கொள்ள காலதாமதம் செய்கின்றனர்,'' எனக்கூறி, வெளிநடப்பு செய்தார்.