போச்சம்பள்ளி: போச்சம்பள்ளி சிப்காட்டிலுள்ள ஏரியில், அடிக்கடி மழைநீர் நிரம்பி, சிப்காட்டிலுள்ள தனியார் நிறுவனங்களுக்கு செல்லும் பணியாளர்கள் பணிக்கு செல்ல முடியாமல் பாதிக்கப்பட்டு வருகின்றனர். இதனால் சிப்காட் ஏரியிலிருந்து உபரிநீர் செல்லும் கால்வாய் பகுதியை வருவாய் துறையினர் கண்டறிந்து, குறிப்பிட்ட துாரம் வரை ஆக்கிரமிப்பு கால்வாயை துார்வாரி வருகின்றனர். இந்நிலையில் பாளேதோட்டம் அடுத்த, மொளகனுார், செவத்தான்கொட்டாய் உள்ளிட்ட பகுதிக்கு செல்லும் தார்ச்சாலை, ஓடை ஆக்கிரமிப்பில் உள்ளதாக கூறி, அந்த தார்ச்சாலையை அகற்ற வருவாய் துறையினர் நடவடிக்கை எடுத்து வருவதாக கூறப்படுகிறது.