கிருஷ்ணகிரி கே.ஆர்.பி., அணை பகுதியில் உள்ள இந்தியன் வங்கி ஊரக சுயவேலைவாய்ப்பு பயிற்சி நிறுவனத்தில், வறுமை கோட்டிற்கு கீழ் வாழும் கிராமப்புற பெண்கள் மற்றும் இளைஞர்களுக்கு தொழில் துவங்க, பல்வேறு இலவச பயிற்சிகள் வழங்கப்படுகிறது.

தற்போது, 30 நாட்கள், இரு சக்கர வாகனங்கள் பழுது நீக்கும் இலவச பயிற்சி வழங்கப்பட உள்ளது. இதற்கு, 5ம் வகுப்பு படித்த, கிருஷ்ணகிரி மாவட்டத்தை சேர்ந்த, 18 முதல், 45 வயது வரை உள்ள ஆண்கள் நாளை (ஆக. 23)க்குள் நேரில் வந்து இப்பயிற்சிக்கு விண்ணப்பித்து சேரலாம். காலை, 9:30 மணி முதல் மாலை, 5:30 மணி வரை நடக்கும் பயிற்சியில், சீருடை, காலை, மதியம் உணவு, பயிற்சிக்கான உபகரணங்கள் இலவசமாக வழங்கப்படும். மேலும் விபரங்களுக்கு, இயக்குனர், இந்தியன் வங்கி ஊரக சுயவேலைவாய்ப்பு பயிற்சி நிறுவனம், டிரைசெம் கட்டடம், கே.ஆர்.பி., அணை, கிருஷ்ணகிரி என்ற முகவரியிலும், 94422 47921, 90806 76557 என்ற எண்களிலும் தொடர்பு கொள்ளலாம். இவ்வாறு, அதில் தெரிவித்துள்ளார்.