நேற்று முன்தினம் மாலை மற்றும் இரவில், மாவட்டத்தில் ஆங்காங்கு பரவலாக மழை பெய்தது. தேன்கனிக்கோட்டை கனரா வங்கி பின்புறம் வசிக்கும் ராஜேந்திரன் என்பவர், தனக்கு சொந்தமான பசு மாட்டை அப்பகுதியில் கட்டி வைத்திருந்தார். நேற்று முன்தினம் இரவு பலத்த காற்றுடன் பெய்த மழையால், தென்னை மரம் சாய்ந்து மாட்டின் மீது விழுந்ததில், சம்பவ இடத்திலேயே மாடு இறந்தது. தேன்கனிக்கோட்டை வருவாய்த்துறை மற்றும் போலீசார் விசாரிக்கின்றனர்.