தர்கா சந்திராம்பிகை ஏரியில் படகு இல்லம், படகு போக்குவரத்து அமைத்து அழகுப்படுத்த, 2011 ல் மாவட்ட கலெக்டராக இருந்த மகேஸ்வரன் நடவடிக்கை எடுத்தார். 13 ஆண்டுகள் கடந்த நிலையில, இத்திட்டம் நடைமுறைப்படுத்தப்பட்டு பயன்பாட்டிற்கு வராமல் உள்ளது. ஏரியில் தொடர்ந்து கழிவுநீர் கலப்பது மற்றும் கெட்டுபோன உணவு, இறைச்சி கழிவுகள் ஏரிக்கரையில் கொட்டப்படுவதால், தேசிய நெடுஞ்சாலையில், வாகனங்களில் செல்ல முடியாத அளவிற்கு துர்நாற்றம் வீசுகிறது. ஓசூர் ராமநாயக்கன் ஏரியை அழகுப்படுத்துவதை போல், தர்கா சந்திராம்பிகை ஏரியையும் மாவட்ட நிர்வாகம் அழகுப்படுத்தி, படகு இல்லம் அமைக்க, ஓசூர் மக்கள் கோரிக்கை விடுத்துள்ளனர்.