ஐயப்பன் கோவிலில் உள்ள குருசாமிகள் பக்தர்களுக்கு துளசி மாலை அணிவித்தனர். மாலை அணிந்து கொண்ட பக்தர்கள் கோவிலில் ஐயப்ப பஜனை பாடல் பாடி வேண்டிக் கொண்டனர். சுவாமியே சரணம் ஐயப்பா என்ற பக்தி கோஷம் எதிரொலித்தது.ஐயப்பனுக்கு சிறப்பு அபிஷேகம் மற்றும் அலங்காரம் நடந்தது. நேற்று, சிறுவர்கள், பெண்கள் உள்பட, 600க்கும் மேற்பட்ட பக்தர்கள் ஐயப்பனுக்கு மாலை அணிந்து கொண்டனர்.

* கார்த்திகை மாத முதல் நாளான நேற்று தர்மபுரி, இலக்கியம்பட்டி, நல்லம்பள்ளி, பாலக்கோடு, பென்னாகரம், காரிமங்கலம் உட்பட மாவட்டத்தின் பல்வேறு பகுதிகளில் உள்ள ஐயப்பன் கோவில் மற்றும் ஐயப்பன் பிரகாரங்களில், நேற்று காலை குருசாமிகள் மூலம் பக்தர்கள் மாலை அணிந்தனர். முன்னதாக, ஐயப்பன் கோவில்களில் சுவாமிக்கு சிறப்பு அபிஷேகங்கள் நடந்தன.