ஓசூர்: கிருஷ்ணகிரி லோக்சபா தொகுதியில் உள்ள வேப்பனஹள்ளி சட்டசபை தொகுதிக்கு உட்பட்ட ராயக்கோட்டை அருகே உள்ள கடவரஹள்ளி கிராமத்தில் சாலை வசதி மற்றும் வீட்டுமனை பட்டா வழங்காத காரணத்தால் மக்கள் தேர்தலை புறக்கணித்துள்ளனர். மதியம் 12:30 முப்பது மணிக்கு மேலாகியும் வாக்காளர்கள் யாரும் ஓட்டளிக்க செல்லவில்லை. பூத் ஏஜெண்டுகளும் பூத்தில் இல்லை. அதை போல் கருக்கனஹள்ளி கிராமத்திலும் மக்கள் தேர்தல் புறக்கணிப்பை ஈடுபட்டுள்ளனர். இதுவரை மக்கள் யாரும் சென்று ஓட்டளிக்கவில்லை. அதிகாரிகள் தலைமையில் நடந்த பேச்சுவார்த்தை தோல்வியில் முடிந்தது.