கிருஷ்ணகிரி, கிருஷ்ணகிரி மாவட்டம் ஊத்தங்கரை, நடுப்பட்டி காமராஜர் நகர் பூசாரி தெருவை சேர்ந்தவர் பாபு, 27, விவசாயி. இவரது மனைவி தேவி, 25; தம்பதிக்கு மூன்று வயதில் மகள், ஐந்து மாத ஆண் குழந்தை உள்ளனர். பாபு கடந்த சில மாதங்களாக ஆஸ்துமா நோய்க்கு சிகிச்சை பெற்று வந்தார். சிங்காரப்பேட்டை அடுத்த எட்டிப்பட்டியில், மெடிக்கல் நடத்தி வரும் மனோஜ், 45 என்பவரிடம், நேற்று மதியம் ஊசி போட்டு விட்டு, பைக்கில் வீட்டுக்கு சென்றார். அங்கு குளிர்பானம் குடித்த சிறிது நேரத்தில் பாபு மயங்கி விழுந்து இறந்தார்.