ஓசூர்:ஓசூர், மீரா மகால் திருமண மண்டபம் எதிரே, பாலாஜி நகர் முதல் குறுக்கு தெருவில், பொதுமக்களுக்கு குடிநீர் வினியோகம் செய்யும் வகையில், 10 லட்சம் லிட்டர் கொள்ளளவு கொண்ட மேல்நிலை நீர்த்தேக்க தொட்டி உள்ளது. இதன் வளாகத்தில் இருந்து அவ்வப்போது தண்ணீர் வெளியேறி, அப்பகுதியிலுள்ள சாலையில் வழிந்தோடி வருகிறது. குடிநீர் தொட்டி உள்ள இடத்தில் பைப்லைன் சேதமாகி உள்ளதால், அடிக்கடி தண்ணீர் வெளியேறி வீணாகி வருவதாக, அப்பகுதி மக்கள் தரப்பில் கூறப்படுகிறது.