கிருஷ்ணகிரி மாவட்டம், ஓசூர் சீத்தாராம்மேட்டிலிருந்து, இ.எஸ்.ஐ., மருத்துவமனை வரை, 8.8 கி.மீ., துாரத்திற்கு இன்னர் ரிங்ரோடு அமைக்கப்பட்டுள்ளது. இச்சாலை கடந்த சில ஆண்டுக்கு முன், சீத்தாராம் மேடு முதல், பவானி திருமண மண்-டபம் வரையும், தளி ரயில்வே கேட்டிலிருந்து, இ.எஸ்.ஐ., மருத்-துவமனை வரையும், 90 கோடி ரூபாய் மதிப்பில், இருவழிச்-சாலை, நான்கு வழிச்சாலையாக மாற்றப்பட்டுள்ளது. பெங்களூரு நோக்கி செல்லும் வாகனங்கள் மற்றும் பெங்களூருவிலிருந்து ஓசூர் நோக்கி வரும் வாகனங்கள், ஓசூர் நகருக்குள் வந்தால், கடும் போக்குவரத்து பாதிப்பு ஏற்படும் என்பதை உணர்ந்து, இந்த இன்னர் ரிங்ரோடு அமைக்கப்பட்டுள்ளது.பெங்களூருவிலிருந்து வரும் வாகனங்கள், தளி, தேன்கனிக்-கோட்டை போன்ற பகுதிகளுக்கு, இன்னர் ரிங்ரோட்டிலேயே சென்று விடலாம். வாகன ஓட்டிகளுக்கு இச்சாலை பெரிதும் உத-வியாக உள்ளது. ஓசூர் பஸ் ஸ்டாண்ட் எதிரே உள்ள தேசிய நெடுஞ்சாலை மேம்பாலம் பழுதானபோது, இந்த இன்னர் ரிங்-ரோடு இருந்ததால், போக்குவரத்தை மாற்றியமைக்க உதவியாக இருந்தது. அப்படிப்பட்ட இந்த இன்னர் ரிங்ரோடு, தேசிய நெடுஞ்சாலைத்துறையின் சரியான திட்டமிடல் இல்லாமல், ஓசூர் சிப்காட் ஜங்ஷன் பகுதியில் அமைக்கப்பட்டுள்ள மேம்பா-லத்தால், தற்போது முடங்கி போகியுள்ளது.

அதாவது, ஓசூர் இன்னர் ரிங்ரோடு, புதிதாக அமைக்கப்பட்-டுள்ள சிப்காட் ஜங்ஷன் மேம்பாலம் முன் வந்து, தேசிய நெடுஞ்-சாலையுடன் இணைகிறது. அதனால் இப்பகுதியில் 'யூ டர்ன்' போடப்பட்டிருந்தது. அதன் மூலம், பெங்களூருவிலிருந்து வரும் வாகனங்கள், இன்னர் ரிங்ரோட்டில் திரும்பி செல்ல முடிந்தது. தற்போது புதிய பாலத்தால், அதில் அதிவேகமாக வரும் வாக-னங்கள், இ.எஸ்.ஐ., ரிங்ரோட்டில் திரும்பும் வாகனங்கள் மீது மோதி, விபத்து ஏற்படும் அபாயம் உருவாகியுள்ளது. அதனால், சாலையின் குறுக்கே உள்ள 'யூ டர்ன்' தற்போது மூடப்பட்டு விட்-டது. அதனால், பெங்களூருவிலிருந்து வரும் வாகனங்கள், மூக்-கண்டப்பள்ளி தேசிய நெடுஞ்சாலை மேம்பாலத்திற்கு கீழே சென்று திரும்பி, சர்வீஸ் சாலையில் வந்து, இன்னர் ரிங்ரோட்டில் பயணிக்க வேண்டியுள்ளது.

சுற்றி வர வேண்டியுள்ளதாலும், கனரக லாரிகள் மேம்பாலத்திற்கு அடியில் திரும்பாது என்பதாலும், மூக்கண்டப்பள்ளி சர்வீஸ் சாலையில் ஏற்படும் போக்குவரத்து பாதிப்பாலும், அவ்வழியாக சென்று, ரிங்ரோட்டிற்கு வர, வாகன ஓட்டிகள் தயங்குகின்றனர். பெங்களூருவில் இருந்து வரும் வாகனங்கள், இன்னர் ரிங்-ரோட்டில் செல்வதை குறைத்து விட்டன. இதனால், நகர் பகு-திக்குள் போக்குவரத்து நெரிசல், நாளுக்கு நாள் அதிகரித்து வருவ-தாக, வாகன ஓட்டிகள் புலம்பி வருகின்றனர்.