கலுகொண்டப்பள்ளி, பேலகொண்டப்பள்ளி, எஸ்.முதுகானப்பள்ளி, மதகொண்டப்பள்ளி, உளிவீரனப்பள்ளி, கப்பக்கல் சுற்றுப்புற கிராம மக்கள் சுவாமி தரிசனம் செய்தனர். எம்.எல்.ஏ.,க்கள் ஓசூர் பிரகாஷ், தளி ராமச்சந்திரன், அ.தி.மு.க., முன்னாள் அமைச்சர் பாலகிருஷ்ணாரெட்டி, ஓசூர் மாநகராட்சி மண்டல தலைவர் ஜெயப்பிரகாஷ், பா.ஜ., மேற்கு மாவட்ட தலைவர் நாராயணன் உட்பட பலர் பங்கேற்றனர்.

* கிருஷ்ணகிரி அடுத்த ஜிஞ்சுப்பள்ளி கிராமத்தில் அமைந்துள்ள முத்து மாரியம்மன் கோவில் மஹா கும்பாபிஷேகம் நேற்று நடந்தது. நேற்று காலை, 9:30 மணிக்கு, கோவில் கோபுர கலசங்களுக்கு புனித நீர் ஊற்றி மஹா கும்பாபிஷேகம் நடந்தது. பின்னர் சுவாமிக்கு அபிஷேக, அலங்காரம், சிறப்பு பூஜை நடந்தது. சிறப்பு அலங்காரத்தில் அம்மன் பக்தர்களுக்கு அருள் பாலித்தார். இதில் சுற்று வட்டாரத்தை சேர்ந்த ஏராளமான பக்தர்கள் பங்கேற்றனர்.