ஓசூர், சேலம் மாவட்டம், மேட்டூர் பகுதியிலிருந்து இரு சிமென்ட் கலவை மிக்சிங் செய்யும் புதிய லாரிகள், ஓசூர் வழியாக பெங்களூரு அருகே தேவனஹள்ளிக்கு நேற்று சென்றன. ஓசூர் அரசு தலைமை மருத்துவமனை அருகே, பழைய தொலைபேசி அலுவலக சாலையில், சாலை குறுக்கே சென்ற மின் கம்பியை லாரி ஒன்று இழுத்து சென்றது. இதனால், சாலையோரம் இருந்த மின்கம்பம் சாய்ந்தது. மேலும், ஓட்டல் மற்றும் கார்னேசன் கிளப் ஆகிய இரு இடங்களில், மின் கம்பிகள் அறுந்து கீழே விழுந்தன. அப்பகுதியில் பலத்த சத்தத்துடன் மின்தடை ஏற்பட்டது. பொதுமக்கள் யாரும் இல்லாததால் பெரிய உயிர் சேதம் தவிர்க்கப்பட்டது.