இந்நிலையில், நேற்று முன்தினம் இரவு மாவட்டத்தின் பல்வேறு பகுதிகளில் மழை பெய்தது. குறிப்பாக, கிருஷ்ணகிரியில் விடிய, விடிய மிதமான மழை பொழியவும், போச்சம்பள்ளி, நெடுங்கல், பாரூர், பெணுகொண்-டாபுரம் உள்ளிட்ட பகுதிகளில் கனமழையும் பெய்தது. இதனால், அப்பகுதியில் உள்ள கிணறு, குளம், குட்டைகளுக்கு நீர்வரத்து அதிகரித்தது. காவேரிப்பட்டணம் நகரில் பெய்த கனம-ழையால் சாக்கடை கால்வாய்களில் இருந்த அடைப்பால், சாலையில் கழிவுநீருடன் மழைநீர் கலந்து துர்நாற்றம் வீசியது. நேற்று காலை முதல், மாவட்டத்தில் வெயிலின் தாக்கம் சற்று அதிகரித்து காணப்பட்ட நிலையில், பிற்பகலில் கிருஷ்ணகிரி உட்-பட பல்வேறு பகுதிகளில் மழை பெய்தது. நேற்று காலை, 7:00 மணி நிலவரப்படி, போச்சம்பள்ளியில் அதிகபட்சமாக, 93 மி.மீ., மழை பதிவானது. அதேபோல், நெடுங்கல், 54.40 மி.மீ., பெணு-கொண்டாபுரம், 51.30, பாரூர், 51, கிருஷ்ணகிரி அணை 33, கிருஷ்ணகிரி, 28.60, ராயக்கோட்டை, 27, ஊத்தங்கரை, 23.60, கெலவரப்பள்ளி அணை, 20, சூளகிரி, 21, சின்னாறு, 20, அஞ்-செட்டி, 15.60 தளி, 15, பாம்பாறு அணை, 12, ஓசூர், 10.10, தேன்கனிக்கோட்டையில், 10 மி.மீ., அளவு மழை பதிவானது.