தேன்கனிக்கோட்டை, தமிழக விவசாயிகள் பாதுகாப்பு சங்கம் சார்பில், வரும் டிச., 28ல், ஈரோடு மாவட்டம், விஜயமங்கலம் சுங்கச்சாவடி அருகே, விவசாயிகள் உரிமை மீட்பு மற்றும் கடன் விடுதலை மாநாடு நடக்க உள்ளது. இதற்கு, கிருஷ்ணகிரி மேற்கு மாவட்ட விவசாயிகளை அழைக்கும் வகையில், தளி அருகே, மதகொண்டப்பள்ளியில் ஆலோசனை கூட்டம் நடந்தது. மேற்கு மாவட்ட செயலாளர் கணேஷ்ரெட்டி தலைமை வகித்தார். நிறுவனர் ஈசன் முருகசாமி, மாநாட்டின் நோக்கம், விவசாயிகளின் கோரிக்கைகள் குறித்து பேசினார்.