நிகழ்ச்சிக்கு பின், உணர்வுகள்

அமைப்பினர் கூறியதாவது: எங்கள் அமைப்பிலுள்ள, 50 பேர் மூலம் சின்னஏரிக்கரையில், மொத்தம், 165 மரக்கன்றுகள் நட்டு, வாரம் மூன்று முறை டிராக்டர் மூலம் தண்ணீர் ஊற்றி, இரும்பு கூண்டு வைத்து பராமரித்து வருகிறோம். சின்னஏரிக்கரையில் வாகனங்களை நிறுத்துவோர், வளர்ந்து வரும் மரங்களை இடித்து விடுகின்றனர். இங்கு குப்பை கொட்டுவோர், அதற்கு தீ வைக்கும்போது, வளரும் மரக்கன்றுகளும் தீயில் கருகி விடுகிறது. எனவே இவற்றை தடுக்க, மாவட்ட நிர்வாகம், நகராட்சி நிர்வாகம் நடவடிக்கை எடுக்க வேண்டும். பஸ் ஸ்டாண்டில் இருந்து வெளியேறும் கழிவுநீர் அப்படியே ஏரி நீரில் கலப்பதால், தண்ணீர் மாசடைகிறது. எங்களிடம் இந்த பொறுப்பை ஒப்படைத்தால், கழிவுநீரை சுத்திகரித்து, சுத்தமான நீரை ஏரியில் விட்டுவிடுவோம். இவ்வாறு, அவர்கள் கூறினர்.