ஓசூர்: கர்நாடகா மாநிலத்தை சேர்ந்தவர், 15 வயது சிறுமி; அம்மாநிலத்தில் உள்ள அரசு பள்ளியில், பத்தாம் வகுப்பு படிக்கிறார்; மாஸ்தி பகுதியை சேர்ந்த பாலாஜி, 25, என்பவர் மாணவியை காதலித்து வந்துள்ளார். இதையறிந்த மாணவியின் தாய், கிருஷ்ணகிரி மாவட்டம், சூளகிரி அடுத்த சுண்டகிரியில் உள்ள தனது உறவினர் வீட்டில் மாணவியை தங்க வைத்தார். கடந்த மாதம், 21 காலை, 10:00 மணிக்கு வீட்டில் இருந்து வெளியே சென்ற மாணவி திரும்பி வரவில்லை. ஓசூர் அனைத்து மகளிர் போலீசில் அவரது தாய் கொடுத்த புகாரில், பாலாஜி மீது சந்தேகம் இருப்பதாக குறிப்பிட்டுள்ளார். போலீசார் வழக்குப்பதிந்து விசாரிக்கின்றனர்.