கிருஷ்ணகிரி, கிருஷ்ணகிரி மாவட்டத்தில் கடந்த, 4 நாட்களாக பரவலாக மழை பெய்து வருகிறது. இதனால் கே.ஆர்.பி., அணைக்கு நீர்வரத்து அதிகரித்துள்ளது. கடந்த, 13ல் அணைக்கு நீர்வரத்து, 289 கன அடியாக இருந்த நிலையில் நேற்று, 430 கன அடியாக அதிகரித்தது. அணையிலிருந்து கடந்த, 9 முதல், 7 நாட்களாக தலா, 370 கன அடிநீர் அணையின் சிறிய மதகில் இருந்து தென்பெண்ணை ஆற்றில் திறக்கப்பட்டுள்ளது. அணை மொத்த உயரமான, 52 அடியில், நேற்று, 49.70 அடியாக நீர்மட்டம் இருந்தது.