இதற்கிடையே கடும் சிரமத்திற்கு இடையே மதுரை திருமங்கலம் பகுதியில் நடந்த மாவட்ட போட்டியில் கலந்து கொண்டு 3வது பரிசை பெற்றார். அப்போது 'என் ஸ்டைலில் சிலம்பம் ஆட முடியவில்லை. கை ரொம்ப வலிக்கிறது. இதனால் தான் எனக்கு முதல் பரிசு கிடைக்கவில்லை' எனக்கூறி அழுது 3வது பரிசை அவர் பெறவில்லை. ஒரு மாதமாக மதுரை அரசு மருத்துவமனையில் சிகிச்சை பெற்றார். ஒரு வாரமாக ஓமியோபதி மாத்திரை சாப்பிட்டு வந்துள்ளார்.

தொடர்ந்து கை வலிப்பதாக கூறி வந்தவர், தன்னால் முன்புமாதிரி சிலம்பம் சுழற்ற முடியவில்லையே என மன வருத்தத்தில் இருந்து வந்துள்ளார். பெற்றோரும், அவரது சகோதரியும் ஆறுதல் கூறி வந்தனர். இந்நிலையில் நேற்றுமுன்தினம் வீட்டில் யாரும் இல்லாத நிலையில் துாக்கிட்டு தற்கொலை செய்து கொண்டார். தல்லாகுளம் போலீசார் விசாரிக்கின்றனர்.

குடும்பத்தினர் கூறியதாவது: தேசிய போட்டியில் சாதிக்க வேண்டும் என நினைத்துக் கொண்டே இருந்ததால் பள்ளி தேர்வு எழுத முடியாமல் தவித்தார். அடுத்தாண்டு எழுதிக் கொள்ளலாம் என நாங்கள் கூறியபோதும் மன உளைச்சலில் இருந்தார். தேசிய அளவில் சாதித்து பதக்கங்களோடு செய்தியில் வர வேண்டுமென நினைத்தவர், இப்படி செய்தியில் வரும் நிலைக்கு ஆளாகிவிட்டாளே.

இவ்வாறு கூறி அழுதது காண்போரை கண் கலங்க செய்தது.