இப்போட்டியில் 766 காளைகள், 400 வீரர்கள் களம் கண்டனர். வெற்றிபெற்ற காளை, வீரர்களுக்கு சைக்கிள், டிரசிங் டேபிள், மெத்தை பரிசாக வழங்கப்பட்டது. தலா 8 சுற்றுகளில் தேர்வான சிறந்த காளைகள், வீரர்களுக்கு பிரிட்ஜ் வழங்கப்பட்டது. முதல் 3 இடம் பிடித்த புதுக்கோட்டை மாவட்டம் ராப்பூசல் முனியாண்டி, தஞ்சை ஓலையூர் பாலா, தென்னலுார் காளைகளுக்கு முறையே கார், புல்லட், டூவீலர், முதல் 3 இடங்களில் 14, 13,9 காளைகள் பிடித்த பூவந்தி அபிசித்தர், விளாங்குடி சிவா, பொந்துகம்பட்டி அஜித் ஆகியோருக்கு 5, இரண்டரை, ஒரு பவுன் நகை பரிசு வழங்கப்பட்டது.

போட்டியில் காயமடைந்த 42ல் 3 பேர் மதுரை அரசு மருத்துவமனைக்கு அனுப்பப்பட்டனர். 5வது சுற்றுக்கு வீரர்கள் இல்லாததால் போட்டி 20 நிமிடம் நிறுத்தப்பட்டது. ஆதாருடன் பதிவு செய்யும் இடத்தில் குவிந்த வீரர்களால் தள்ளுமுள்ளு ஏற்பட்டது. போலீசார் லேசான தடியடி நடத்தி விரட்டினர்.