காந்தி ஜெயந்தியை முன்னிட்டு கஸ்துாரிபா காந்தி அறக்கட்டளை, ஸ்ரீபூ கலாசார மையம் சார்பில் ‘காந்தியை அறிவோம்’ என்ற தலைப்பில் மாணவர்களுக்கு கொள்குறி வினாக்கள், ஓவியம், கட்டுரை போட்டிகள் நடந்தன.

பரிசளிப்பு விழாவுக்கு சென்னை உயர்நீதிமன்ற முன்னாள் பொறுப்புத் தலைமை நீதிபதி ராஜா தலைமை வகித்தார். அறக்கட்டளை நிறுவனர் ஸ்ரீனிவாசன் வரவேற்றார். உயர்நீதிமன்ற மதுரைக் கிளை நீதிபதி ஜி.ஆர்.சுவாமிநாதன் பரிசு வழங்கி பேசுகையில், ‘‘ரீல்ஸ் மோகத்தில் மாணவர்கள் நேரத்தை வீணடிக்காமல், சிறந்த நுால்களை வாசிக்க வேண்டும். காந்தியை போல் சமூக சேவையில் ஈடுபடுவதுடன், எடிசனை போல் புதிய கண்டுபிடிப்புகளை உலகுக்கு வழங்க வேண்டும்’’ என்றார். மைய செயலாளர் ராமகிருஷ்ணன் நன்றி கூறினார்.