நேற்று காலை உற்ஸவர்கள், மூலவர்களுக்கு சிறப்பு பூஜை முடிந்து, கல்யாண சுந்தரேஸ்வரர், பிரியாவிடை, பால மீனாம்பிகை கொடிக்கம்பம் முன்பு எழுந்தருளினர். பூஜை முடிந்து கொடியேற்றப்பட்டு தீபாராதனை நடந்தது.

திருவிழா நடைபெறும் மே 8 வரை தினமும் ஒரு வாகனத்தில் சுவாமி, அம்பாள் வீதி உலா நிகழ்ச்சி நடக்கிறது. முக்கிய நிகழ்ச்சியாக மே 6ல் பால மீனாம்பிகை அம்பாளுக்கு பட்டாபிஷேகம், மே 7ல் திக்கு விஜயம் பஞ்ச மூர்த்திகள் புறப்பாடு, மே 8 காலை 8:35 முதல் 8:59 மணிக்குள் கல்யாண சுந்தரேஸ்வரர், பாலமீனாம்பிகை அம்பாள் திருக்கல்யாணம் நடக்கிறது. இரவு கல்யாண சுந்தரேஸ்வரர் யானை வாகனத்திலும், பாலமீனாம்பிகை அம்பாள் பூப்பல்லக்கிலும் எழுந்தருளி வீதி உலா நிகழ்ச்சியில் அருள்பாலிப்பர்.