மாதத்தில் ஒரு நாள் நடக்கும் கூட்டத்திற்கு துறை அதிகாரிகள் மாறி மாறி வருவதால் விவசாயிகளின் குறைகளுக்கு தீர்வு கிடைக்கவில்லை. மேலவளவு வேப்பனேரி கண்மாயில் கழிவு நீர் கலப்பதால் சுகாதார சீர்கேடாக காணப்படுகிறது.வெள்ளலூர் சின்னப்பிடி கண்மாய் நீர்வரத்து கால்வாயை தனி நபர் ஆக்கிரமித்துள்ளதால் அகற்ற வேண்டும். அலங்காநல்லுார் சர்க்கரை ஆலையை திறக்க வேண்டும் என தீர்மானம் நிறைவேற்றினர். திருவாதவூரில் இடத்தில் குளமாகவும், வருவாய்த்துறை ஆவணத்தில் தரிசு என தவறுதலாக பதிவு செய்திருப்பதை மாற்றக்கோரி 11 ஆண்டுகளாக மனு கொடுத்தும் இதுவரை மாற்றவில்லை. பூதமங்கலம் கண்மாய்க்கு உரிய நேரடி கால்வாயை மராமத்து பார்க்க வேண்டும். கொங்கம்பட்டி கிராமத்தில் வளையங் கண்மாய் மணல் மேவியதால் கால்வாயை துார் வார வேண்டும் என்றனர்.