அரசியல் சாசன தின விழா

திருப்பரங்குன்றம்: சவுராஷ்டிரா கல்லுாரி என்.எஸ்.எஸ். மற்றும் என்.சி.சி. சார்பில் இந்திய அரசியல் சாசன தின விழா நடந்தது. செயலாளர் குமரேஷ் தலைமை வகித்தார். நிர்வாக குழு உறுப்பினர் வெங்கடேசன், முதல்வர் ஸ்ரீனிவாசன், வணிகவியல் துறை மற்றும் ஆராய்ச்சி மைய தலைவர் துரைச்சாமி பேசினர். இந்திய குடிமகனின் அடிப்படை உரிமைகள் என்ற தலைப்பில் கட்டுரை போட்டி நடந்தது. முதலாம் ஆண்டு வணிகவியல் துறை மாணவி ரூபிணி முதல் பரிசு, ரம்யா 2ம் பரிசு பெற்றனர். என்.சி.சி., பொறுப்பாளர் மணிகண்டன், என்.எஸ்.எஸ். பொறுப்பாளர்கள் குணசீலன், செந்தில்குமார், பொன்ராஜ், விஷ்ணு பிரியா, ராஜேஷ் கண்ணா கலந்து கொண்டனர்.