சோழவந்தான் பேரூராட்சியில் 1,2,7,8,13,14 வார்டுகளில் கோரிக்கை மனுக்கள் பெறப்பட்டன. ஈஸ்வரி, முத்துச்செல்வி உள்ளிட்ட வார்டு கவுன்சிலர்கள் பங்கேற்றனர். பேரூராட்சி பணியாளர்கள் கண்ணம்மா, செல்வமணி, கண்ணதாசன் மனுக்களை பெற்றுக் கொண்டனர். சேர்மன் ஜெயராமன் முன்னிலை வகித்தார். செயல் அலுவலர் செல்வகுமார் தலைமையில் ஏற்பாடுகள் செய்யப்பட்டன.

மேலுார் நகராட்சி கமிஷனர் கிருஷ்ணவேணி, தலைவர் முகமது யாசின் தெரிவித்துள்ளதாவது: நாளை (அக்.29) அந்தந்த வார்டுகளில் கவுன்சிலர் தலைமையில் சிறப்பு கூட்டம் நடக்கிறது. இக்கூட்டத்தில் பொதுமக்கள் கலந்து கொண்டு அடிப்படை தேவைகளான குடிநீர், தெரு விளக்கு, ரோடு பராமரிப்பு உள்ளிட்ட அனைத்து விதமான குறைபாடுகள் குறித்து மனு செய்து பயன் பெறலாம் என தெரிவித்தனர்.