அவர் கூறியதாவது: மதுரை அரசு மருத்துவமனை 8வது வார்டில் தினமும் 30 பேர் வரை புறநோயாளியாக சிகிச்சை பெறுகின்றனர். இவர்களில் பெரும்பாலானோர் புற்றுநோயாளிகள் தான். பிற வகை வலியால் அவதிப்படுபவர்களுக்கு இந்த சிகிச்சை குறித்த விழிப்புணர்வு குறைவாக உள்ளது. மூட்டு வலி, முதுகுவலியால் அவதிப்படுபவர்களில் 70 சதவீதம் பேருக்கு முறையான ஓய்வுடன் வாழ்க்கை முறையை மாற்றினால் வலியில் இருந்து விடுபடலாம். 5 சதவீதம் பேருக்கு அறுவை சிகிச்சை செய்வது கட்டாயம். மீதியுள்ளோருக்கு அறுவை சிகிச்சை செய்யாமல் வலி நீக்கியல் சிகிச்சை அளிப்பது சரியான தேர்வு. ரேடியோ அதிர்வெண் சிகிச்சை, ரத்தத்தில் உள்ள தட்டணுக்களை பிரித்து மீண்டும் செலுத்தும் பிளேட்லெட் ரிச் பிளாஸ்மா (பி.ஆர்.பி.,) சிகிச்சைகளின் மூலம் நாள்பட்ட வலியில் இருந்து குணமடையலாம்.

நீண்டநாள் வலி என்றதும் மூடநீக்கியல் துறைக்கு செல்வதற்கு முன்பாக வலி நீக்கியல் துறை நிபுணர்களிடம் ஆலோசனை பெறலாம். இதன் மூலம் அறுவை சிகிச்சை தேவையா என்பதை முடிவெடுக்கலாம். தமிழகத்தில் சென்னைக்கு அடுத்து மதுரை அரசு மருத்துவமனையில் மட்டுமே வலிநீக்கியல் வார்டு தனியாக உள்ளது. காலை 10:00 மணி முதல் மதியம் ௧:00 மணி வரை புறநோயாளியாக ஆலோசனை பெறலாம் என்றார்.