n திருநகரிலிருந்து மதுரை நகருக்குள் வரும் வாகனங்கள் கிரிவல பாதை, திருப்பரங்குன்றம் மேம்பாலத்தில் செல்வதற்கு அனுமதி இல்லை. இவ்வாகனங்கள் அனைத்தும் ஜி.எஸ்.டி., சாலை வழியாக மூட்டா தோட்டம் சென்று நகருக்குள் செல்ல வேண்டும்.

மதுரை நகரிலிருந்து திருப்பரங்குன்றம் மேம்பாலம் வழியாக திருநகர் செல்வதற்கு எந்த வாகனத்திற்கும் அனுமதி இல்லை. இவ்வாகனங்கள் மூட்டா தோட்டத்திலிருந்து ஜி.எஸ்.டி., பைபாஸ் ரோடு வழியாக திருநகர் செல்ல வேண்டும்.

திருநகரிலிருந்து கோயிலுக்கு வரும் பக்தர்களின் வாகனங்கள் அனைத்தும் பூங்கா பஸ் ஸ்டாப் அருகிலுள்ள காலி இடத்திலும், திருப்பரங்குன்றம் தெப்பக்குளத்திலுள்ள பார்க்கிங்கிலும் நிறுத்த வேண்டும்.

மதுரை நகரிலிருந்து கோயிலுக்கு வரும் பக்தர்களின் நான்கு சக்கர வாகனங்கள் ஒக்கலிக்கர் மண்டபம் அருகிலுள்ள தெப்பக்குளம் கட்டண பார்க்கிங்கிலும், டூவீலர்கள் திருப்பரங்குன்றம் ஆர்ச்சிலிருந்து ஒக்கலிக்கர் மண்டபம் வரை ரோட்டின் இருபுறமும் சிங்கிள் பார்க்கிங் ஆக நிறுத்த வேண்டும்.

திருப்பரங்குன்றம் மயில் மண்டபத்திலிருந்து சன்னதி தெரு வரை, டி.சி., அலுவலகத்திலிருந்து லாலா கடை வரை நான்கு ரத வீதிகளிலும் எந்த ஒரு வாகனங்களும் நிறுத்த அனுமதி கிடையாது.

அவனியாபுரத்திலிருந்து கோயிலுக்கு வரும் பக்தர்களின் வாகனங்கள் அனைத்தும் சரவணப் பொய்கை பார்க்கிங்கிலும், அதற்கு அருகில் உள்ள கட்டண பார்க்கிங்கிலும் நிறுத்த வேண்டும். திருப்பரங்குன்றம் ரோடு வழியாக நிலையூர், திருநகர் செல்லக்கூடிய பொது போக்குவரத்து இலகுரக வாகனங்கள் அனைத்தும் கே.வி. பள்ளியின் வலது புறம் திரும்பி தியாகராஜர் பொறியியல் கல்லுாரி ரோடு வழியாக ஜி.எஸ்.டி., பைபாஸ் ரோடு சென்று செல்ல வேண்டும். மேற்படி சாலை வழியாக வரக்கூடிய கனரக வாகனங்கள் அனைத்தும் அவனியாபுரம் - முத்துப்பட்டி திருப்பரங்குன்றம் சாலை சந்திப்பில் வலதுபுறம் திரும்பி அழகப்பன் நகர் ரயில்வே கேட் வழியாக செல்ல வேண்டும்.

கோயிலுக்கு வரும் அரசு வாகனங்கள் அருணகிரி திருமண மண்டப பார்க்கிங்கில் நிறுத்த வேண்டும்.

மதுரை நகரிலிருந்து கோயிலுக்கு வரும் பக்தர்களின் டூவீலர்கள் திருப்பரங்குன்றம் ஆர்ச் அருகிலுள்ள மேம்பாலத்திற்கு கீழ் நிறுத்த வேண்டும்.

ஹார்விப்பட்டி, நிலையூரிலிருந்து வரும் பக்தர்களின் வாகனங்கள் நிலையூர் சந்திப்பு அருகிலுள்ள ஆஞ்சநேயர் கோயில் அருகில் நிறுத்த வேண்டும்.