நாமகிரிப்பேட்டை;ராசிபுரம் மற்றும் நாமகிரிப்பேட்டை சுற்று வட்டார பகுதியில், நேற்று முன்தினம் இரவு கனமழை பெய்தது. நாமகிரிப்பேட்டை, ஆர்.புதுப்பட்டி, தண்ணீர்பந்தல்காடு, மூலப்பள்ளிப்பட்டி, சீராப்பள்ளி, பட்டணம் உள்ளிட்ட பகுதியில், இரவு, 9:00 மணிக்கு துாறல் மழையாக தொடங்கியது. சிறிது நேரத்தில் கன மழையாக மாறியது. இரவு முழுவதும் மழை பெய்தது. காலை, 6:00 மணிக்குத்தான் மழை ஓய்ந்தது. இதனால், சாலையோரங்களில் மழைநீர் தேங்கியது. முக்கியமாக வயல்களில் முழங்கால் அளவிற்கு தண்ணீர் தேங்கியது.