நாமக்கல், நாமக்கல்-திருச்சி சாலையில் தனியார் ஓட்டல் ஒன்று செயல்பட்டு வருகிறது. இந்த ஓட்டலின், முதல் தளத்திற்கு அங்கு பணிபுரியும் குஜராத் மாநிலத்தை சேர்ந்த ஹரேஷ், 34, ஓட்டலில் சாப்பிட வந்த துத்திகுளத்தை சேர்ந்த அசோக்குமார், 42, ஆகியோர், மாலை, 6:00 மணிக்கு லிப்டில் சென்றுள்ளனர். அப்போது, திடீரென லிப்டில் உள்ள சேப்டி பின் உடைந்ததால், இருவரும் லிப்டில் அரை மணி நேரம் சிக்கிக்கொண்டனர். இந்த சம்பவம் குறித்து, ஓட்டலில் பணிபுரியும் நபர்கள், நாமக்கல் தீயணைப்பு நிலையத்திற்கு தகவல் தெரிவித்தனர்.