குமாரபாளையம், பூலக்காடு பகுதியை சேர்ந்தவர் நாகராஜ், 41; லேத் பட்டறை உரிமையாளர். இவர், குடும்பத்துடன் சேலம் சென்றுவிட்டு, நேற்று காலை, 8:00 மணிக்கு வீட்டுக்கு வந்தார். அப்போது, பூட்டியிருந்த வீட்டின் கதவு பூட்டு உடைக்கப்பட்டிருந்ததை கண்டு அதிர்ச்சியடைந்தார். உள்ளே சென்று பார்த்தபோது, பீரோ கதவு உடைக்கப்பட்டு, 25 பவுன் நகை திருடப்பட்டிருந்தது தெரியவந்தது. இதுகுறித்து, குமாரபாளையம் போலீசார் விசாரிக்கின்றனர்.