நாமக்கல் கோட்டை சாலையில், உழவர் சந்தை செயல்பட்டு வருகிறது. தினசரி அதிகாலை, 5:00 மணி முதல், 10:00 மணி வரை, நாமக்கல் பகுதியில் உள்ள விவசாயிகள் தங்கள் தோட்டங்-களில் விளைந்த காய்கறி, பழங்களை கொண்டுவந்து, நேரடியாக விற்பனை செய்கின்றனர். பொதுமக்கள் உழவர் சந்தைக்கு வந்து காய்கறிகளை வாங்கி செல்கின்றனர். வழக்கமாக, வார விடு-முறை நாட்களான சனி, ஞாயிற்றுக்கிழமைகளில் அதிகமான வாடிக்கையாளர்கள் உழவர் சந்தைக்கு வந்து தங்களுக்கு தேவை-யான காய்கறி, பழங்களை வாங்கி செல்வது வழக்கம்.

தற்போது, புரட்டாசி மாதம் துவங்கியுள்ளதால், பலர் அசை-வத்தை தவிர்த்து, சைவத்திற்கு மாறியுள்ளனர். இதனால், வழக்-கத்தை விட, நேற்று உழவர் சந்தையில் வியாபாரம் நடந்தது. மொத்தம், 163 விவசாயிகள் உழவர் சந்தைக்கு காய்கறிகளை விற்பனைக்கு கொண்டு வந்திருந்தனர். 21,125 கிலோ காய்க-றிகள், 4,880 கிலோ பழங்கள், 20 கிலோ பூக்கள் என மொத்தம், 25,135 கிலோ எடையுள்ள விளைபொருட்கள், உழவர் சந்தைக்கு கொண்டுவரப்பட்டு விற்பனை செய்யப்பட்டன.

தக்காளி ஒரு கிலோ, 36, கத்தரி, 42, வெண்டை, 24, புட-லங்காய், 24, பீர்க்கங்காய், 50, பாகற்காய், 44, அவரை, 72, சின்ன வெங்காயம், 38, பெரிய வெங்காயம், 64, தேங்காய், 46 என்ற விலையில் விற்பனையானது. நேற்று ஒரே நாளில் விற்ப-னையான காய்கறி மற்றும் பழங்களின் மொத்த மதிப்பு, 9 லட்-சத்து, 84,450 ரூபாயாகும் என, உழவர் சந்தை நிர்வாக அலுவ-லர்கள் தெரிவித்தனர்.