ரூ.11 லட்சத்துக்கு பருத்தி ஏலம்

நாமக்கல், அக். 9-

நாமக்கல் - திருச்செங்கோடு சாலையில் செயல்படும் வேளாண் உற்பத்தியாளர்கள் கூட்டுறவு விற்பனை சங்க வளாகத்தில், நேற்று பருத்தி ஏலம் நடந்தது. பல்வேறு பகுதியை சேர்ந்த விவசாயிகள், 470 பருத்தி மூட்டைகளை விற்பனைக்கு கொண்டு வந்திருந்தனர். அதில், ஆர்.சி.எச்.,ரக பருத்தி குவிண்டால், 6,699 ரூபாய் முதல் 7,599 ரூபாய், கொட்டு மட்ட ரகம், 4,219 ரூபாய் முதல் 4,609 ரூபாய் என, மொத்தம், 11 லட்சம் ரூபாய்க்கு பருத்தி விற்பனையானது.