சேந்தமங்கலம் சுற்று வட்டாரத்தில் உள்ள, 70 வயதுக்கு மேற்பட்ட முதியவர்கள் மற்றும் மாற்று திறனாளிகளுக்கு நேரடியாக சென்று ரேஷன் பொருட்கள் வழங்கப்படும் என, ஏற்கனவே அறிவித்திருந்தனர். அதன்படி நவ., 3, 4 தேதிகளில் ரேஷன் பொருட்கள், டோர் டெலிவரி செய்ய ஏற்பாடு செய்திருந்தனர். நேற்று காலை, 8:00 மணி முதல் சேந்தமங்கலம் பேரூராட்சி பகுதியில் உள்ள அனைத்து ரேஷன் கடைகளில் இருந்தும் ரேஷன் பொருட்கள் முதியவர்களுக்கு வழங்கப்பட்டது.