பள்ளிப்பாளையம், தெற்குபாளையம் பகுதி சாலையோரத்தில் மருத்துவ கழிவுகள் அதிகளவில் குவிந்துள்ளதால், நோய் பரவும் அபாயம் ஏற்பட்டுள்ளது.பள்ளிப்பாளையம் அருகே, தெற்குபாளையம் பகுதியில் வாய்க்கால் கரையோரம் செல்லும் சாலைப்பகுதியில், சில தினங்களுக்கு முன் ஆபத்தான முறையில் ஏராளமான ஊசிகள், சிரஞ்சுகள், எச்.ஐ.வி., மற்றும் ரத்த பரிசோதனைக்கு உட்படுத்தப்பட்ட ரத்த மாதிரிகள், கையுறைகள் உள்ளிட்ட மருத்துவ கழிவுகள் கிடந்தன. இந்த சாலை வழியாக, அப்பகுதியை சேர்ந்த ஏராளமான குழந்தைகள் பள்ளிக்கு சென்று வருகின்றனர். அவர்கள், விளையாட்டு தனமாக ஊசி, சிரஞ்சு, மருத்துவ கழிவுகளை கையில் எடுத்து விளையாட வாய்ப்புள்ளது.