நாமக்கல்: சட்டசபை தேர்தலில், தி.மு.க., அளித்த வாக்குறுதியை நிறைவேற்றக்கோரி, தமிழ்நாடு சத்துணவு ஊழியர் சங்கத்தினர், நாமக்கல் பூங்கா சாலையில் உண்ணாவிரத போராட்டத்தில் ஈடுபட்டனர். மாவட்ட தலைவர் கோமதி தலைமை வகித்தார். அதில், சட்டசபை தேர்தலில், தி.மு.க., அளித்த தேர்தல் வாக்குறுதியான, 'சத்துணவு ஊழியர்களை அரசு ஊழியர்களாக்கி, வரையறுக்கப்பட்ட காலமுறை ஊதியம் உள்ளிட்ட கோரிக்கைகளை நிறைவேற்றுவோம்' என்பதை நிறைவேற்றக்கோரி கோஷம் எழுப்பினர்.