வெண்ணந்துார்: வெண்ணந்துார் அருகே, சேலம் - நாமக்கல் தேசிய நெடுஞ்சாலையில் அமைந்துள்ளது ஆட்டையாம்பட்டி பிரிவு சாலை பஸ் ஸ்டாப். இப்பகுதியில் அனைத்து அரசு, தனியார் பஸ்கள் நின்று செல்ல வேண்டும் என, கலெக்டர் உமா உத்தரவிட்டுள்ளார். ஆனால், உத்தரவை மீறி சில பஸ்கள், ஆட்டையாம்பட்டி பிரிவு சாலை பஸ் ஸ்டாப்பில் நிற்காமல் சென்று வந்தன. இந்நிலையில், மசக்காளிப்பட்டியை சேர்ந்த பரிமளா, நேற்று முன்தினம் மதியம் சேலத்தில் இருந்து நாமக்கலை நோக்கி செல்லும் தனியார் பஸ்சில் ஏறியுள்ளார். அப்போது, ஆட்டையாம்பட்டி பிரிவு பஸ் ஸ்டாப்பில் இறங்க டிக்கெட் கேட்டுள்ளார். அதற்கு கண்டக்டர், பஸ் அங்கு நிற்காது என கூறியுள்ளார்.