ரஜினிகாந்த் நடிப்பில், கூலி திரைப்படம் நேற்று தமிழகம் முழுவதும் வெளியானது. இந்நிலையில் காலை, 9:00 மணிக்கு சிறப்பு காட்சிக்கு தமிழக அரசு அனுமதி வழங்கியது. நாமக்கல்லில் உள்ள கே.எஸ்., தியேட்டரில் சிறப்பு காட்சி ஏதும் இல்லை என தியேட்டர் நிர்வாகம் அறிவித்தது.

சில நாட்களுக்கு முன், 800 இருக்கைகளுக்கும், 3 லட்ச ரூபாய் கொடுத்து ரஜினி ரசிகர்கள் அனைத்து டிக்கெட்டுகளையும் வாங்கிய நிலையில், இரு நாட்களுக்கு முன் சிறப்பு காட்சி ஏதும் இல்லை என கூறி, புக் செய்த டிக்கெட்டுக்கான பணத்தை தியேட்டர் நிர்வாகம் திருப்பி தந்துள்ளனர். முதல் நாள் காலை, 9:00 மணிக்கு சிறப்பு காட்சி இங்கு திரையிடப்படாது என அறிவிக்கப்பட்டது. தகவல் அறிந்த ரஜினி ரசிகர்கள் நேற்று முன்தினம் இரவு, 11:00 மணிக்கு தியேட்டர் முன் அமர்ந்து சாலை மறியல் போராட்டத்தில் ஈடுபட்டனர்.

இன்ஸ்பெக்டர் கபிலன் தலைமையிலான போலீசார், மறியல் போராட்டத்தில் ஈடுபட்டவர்களுடன் பேச்சுவார்த்தை நடத்தி, ரசிகர்களை அங்கிருந்து அப்புறப்படுத்தினர்.