இந்நிலையில், சிவக்குமார் நேற்று, ராசிபுரம் அடுத்துள்ள அல்லேரி முனியப்பன் கோவிலுக்கு வந்துள்ளார். கோவிலுக்கு வந்த தகவலை தன் குடும்பத்தினரிடம் செல்போன் மூலம் தெரிவித்துள்ளார். மேலும், 'வாட்ஸாப்' வழியாக ஒரு தகவலையும் அனுப்பியுள்ளார். அதில், 'நான் பூஜை முடிந்து வந்தாலும் வருவேன். இல்லை என்றால் வீட்டை நன்றாக பார்த்துக்கொள்ளுங்கள்' என, உருக்கமாக பதிவிட்டுள்ளார்.

அதை தொடர்ந்து, நேற்று இரவு, 7:30 மணிக்கு, அல்லேரி முனியப்பன் கோவில் வளாகம் முன், சிவக்குமார், தன் உடல் மீது பெட்ரோல் ஊற்றி தீ வைத்துக்கொண்டார். கண் இமைக்கும் நேரத்தில் தீ உடல் முழுவதும் பற்றி எரிந்ததில், அவர் சம்பவ இடத்திலேயே உயிரிழந்தார். ராசிபுரம் போலீசார் விசாரித்து வருகின்றனர்.