நாமக்கல், அம்பேத்கர் பிறந்தநாளையொட்டி, நாமக்கல் தெற்கு அரசு ஆண்கள் மேல்நிலைப்பள்ளி வளாகத்தில், நாமக்கல் மாவட்ட தமிழ் வளர்ச்சித்துறை சார்பில் பேச்சுப்போட்டி நடந்தது. ஆறு முதல் பிளஸ் -2 வரை படிக்கும் மாணவர்களுக்கு, காலை, 9:00 மணி முதல் மதியம், 1:00 மணி வரையும்; கல்லுாரி மாணவர்களுக்கு, மதியம், 1:30 மணி முதலும் பேச்சுப்போட்டி நடத்தப்பட்டது. தமிழ்வளர்ச்சித்துறை உதவி இயக்குனர்(பொ) ஜோதி தலைமை வகித்தார். பள்ளி கல்வித்துறை ஆய்வாளர் பெரியசாமி முன்னிலை வகித்தார். இதில், 50-க்கும் மேற்பட்ட மாணவ, மாணவியர் பங்கேற்றனர்.