இந்த திருவிழா முன்னிட்டு, ஈரோடு சாலையில் உள்ள தெப்பக்களத்தில் தெப்பத்தேர் உற்சவம் நவ., 4ல் நடக்கிறது. 1971ல் ஏற்பட்ட கடுமையான கோடை காரணமாக, தெப்பக்குளத்தில் தண்ணீர் வற்றியதால், தெப்பத்தேர் திருவிழா நடத்த முடியாத சூழ்நிலை ஏற்பட்டது. 50 ஆண்டுகளுக்கு பின், கடந்த, 2022ல் மீண்டும் தெப்பத்தேர் உற்சவம் நடத்தப்பட்டு வருகிறது. நவ., 5, 6ல் பொங்கல் திருவிழா, 7ல் அம்மன் திருவீதி உலா, 8ல் கம்பங்கள் எடுத்து முக்கிய வீதிகள் வழியாக ஊர்வலமாக வந்து தெப்பக்குளத்தில் விடும் நிகழ்ச்சி நடக்கிறது.