குன்னுார் பஸ் ஸ்டாண்ட் பகுதியில் நுாற்றாண்டு பழமை வாய்ந்த தீயணைப்பு நிலையம் உள்ளது. இதன் ஒரு சில கட்டடம், விரிசல் ஏற்பட்டும், ஓடுகள் உடைந்து உள்ளன. இதையடுத்து, ஊட்டி,- குன்னுார் சாலையில் பிருந்தாவன் பள்ளி அருகே, புதிய தீயணைப்பு நிலையம் அமைக்க கடந்த தி.மு.க., ஆட்சியில், 4 கோடி 90 லட்சம் ரூபாய் நிதி ஒதுக்கீடு செய்யப்பட்டது. சமீபத்தில் பணிகள் துவங்கின. தேர்வு செய்யப்பட்ட பகுதி முழுவதும் பாறைகளாக இருந்ததால், ஆரம்பக்கட்ட பணிகள் மட்டும் நடந்தது. இந்த கட்டுமான பணிகளை விரைவில் முடிக்க வலியுறுத்தப்பட்டுள்ளது.