யாத்ரீகர்கள் மற்றும் பக்தர்கள் கூறியதாவது:

வைணவ திவ்ய தேசங்களில் 44 ஆக திகழும் திருப்புல்லாணி ஆதி ஜெகநாத பெருமாள் கோயிலுக்கு கீழக்கரை -திருப்புல்லாணி செல்லக்கூடிய மும்முனை சந்திப்பில் ஹிந்து சமய அறநிலையத் துறை சார்பில் அலங்கார நுழைவு வாயில் அமைக்க வேண்டும்.

முன்னோர்களுக்கு திதி, தர்ப்பணம் உள்ளிட்ட பூஜைகளுக்கு பிரசித்தி பெற்ற சேதுக்கரை கடற்கரைக்கு செல்லக்கூடிய வழிகாட்டி பெயர் பலகை இல்லாத நிலை பல ஆண்டுகளாகவே தொடர்கிறது.

எனவே அவற்றிற்கு மாவட்ட நிர்வாகம் உரிய நிதி ஒதுக்கீடு செய்து அலங்கார நுழைவு வாயில் அமைக்க நடவடிக்கை எடுக்க வேண்டும்.

அதன் அருகே வழிகாட்டி பெயர் பலகை அமைக்க வேண்டும்.

சேதுக்கரையில் புனித நீராடி விட்டு வரக்கூடிய பக்தர்களின் வசதிக்காக குடிநீர் தொட்டிகள் அதிகம் அமைக்க வேண்டும்.

ஆடு, மாடுகள் தொல்லை அதிகம் உள்ளதால் பொதுமக்கள் மற்றும் புரோகிதர்கள் பெரும் சிரமத்தை சந்திக்கின்றனர். எனவே மாவட்ட நிர்வாகம் உரிய வழிகாட்டுதல் செய்ய வேண்டும். இவ்விஷயத்தில் சம்பந்தப்பட்ட துறை அதிகாரிகளின் நடவடிக்கை அவசியம் என்றனர்.