ராமேஸ்வரம் பகுதியில் நேற்று பெய்த கனமழையால் தேசிய நெடுஞ்சாலையில் 2 அடி உயரத்திற்கு மழைநீர் தேங்கியது. அரசு மருத்துவமனை வளாகத்தில் தண்ணீர் தேங்கி நோயாளிகள் சிரமப்பட்டனர். ராமநாதசுவாமி கோயில் முதல் பிரகாரத்தில் மழைநீர் தேங்கியதால் பக்தர்கள் சிரமத்துடன் சென்று சுவாமி தரிசனம் செய்தனர். பாம்பன் தரவைத்தோப்பு, சின்னப்பாலம், மண்டபம் எருமைதரவை ஆகிய பகுதியில் வீடுகளை மழைநீர் சூழ்ந்தது.