கடலாடி -- முதுகுளத்துார் சாலையில் பந்தய துாரம் எல்லை நிர்ணயிக்கப்பட்டு பந்தயம் நடந்தது. பங்கேற்ற மாட்டு வண்டி பந்தய வீரர்கள் வெற்றி இலக்கை நோக்கி தங்களது காளைகளை ஓட்டிச் சென்றனர். முதல் நான்கு இடங்களை பெற்ற மாட்டு வண்டி பந்தய வீரர்களுக்கும், காளையின் உரிமையாளர்களுக்கும், சாரதிகளுக்கும் ரொக்க பரிசுகளும், ஆட்டுக்கிடாய்கள், அண்டா, குத்துவிளக்கு, சுழல் கேடயம் பரிசுகள் வழங்கி கவுரவிக்கப்பட்டது.

மாட்டு வண்டி பந்தயத்தை சாலையின் இரு புறங்களிலும் கிராம மக்கள் கண்டு ரசித்தனர். கடலாடி போலீசார் பாதுகாப்பு பணியில் ஈடுபட்டனர். விழா ஏற்பாடுகளை கடலாடி நகர் தேவர் மகாசபை, நகர் தேவர் இளைஞரணியினர் செய்திருந்தனர்.