திருவாடானை: கோயில் திருவிழாக்களில் சிலிர்க்க வைக்கும் வாண வேடிக்கையில் வாலிபர்கள் துணிச்சலுடன் செயல்பட்டு வெடிக்க வைக்கின்றனர். கோயில் திருவிழாக்கள் என்றாலே பக்தர்களின் கோஷங்கள், மேள தாளங்கள், மின் விளக்குகளின் அலங்காரம் ஆகியவற்றை தாண்டி அண்ணாந்து பார்த்து வியக்கவைப்பது வாண வேடிக்கை. இதில் வாலிபர்களின் அசாத்திய துணிச்சலும், அச்சமில்லாமல் செயல்படும் விதம் அடங்கியுள்ளது. வெடியின் திரியில் தீயை பற்ற வைத்து அடுத்த நொடியே அது கையில் இருக்கும் போதே பொறிகள் பறக்கும்.