அதன்பின், சேலம் புதுபஸ் ஸ்டாண்ட் அருகே மாவட்ட கட்சி அலுவலகத்தில் கருணாநிதி படத்துக்கு மாலை அணிவித்து, ஏழை குழந்தைகளின் மருத்துவ செலவு, இறந்த தி.மு.க., தொண்டரின் குடும்பத்துக்கு, 1.5 லட்ச ரூபாய்க்கான காசோலையை வழங்கினார். வழக்கறிஞர்கள் பிரிவு சார்பில், சேலம் நீதிமன்ற நுழைவு வாயிலில் கருணாநிதி படத்துக்கு மரியாதை செலுத்தியபின், அங்கு வந்த பொதுமக்களுக்கு இனிப்பு வழங்கினார்.

எம்.பி., பார்த்திபன், 4 ரோட்டில் கருணாநிதி படத்துக்கு மாலை அணிவித்து மரியாதை செலுத்தி, இனிப்பு வழங்கினார். அழகாபுரத்தில், மத்திய மாவட்ட ஆதிதிராவிடர் நலக்குழு அமைப்பாளர் முரளி தலைமையில், கருணாநிதி படம் அலங்கரிக்கப்பட்டு, பிறந்தநாள் விழா நடந்தது.