ஓமலுார்:சேலம் விமான நிலையத்தில் இருந்து, 'அலையன்ஸ் ஏர்' விமான நிறுவனம் சார்பில் பெங்களூரு, ஹைதராபாத், கொச்சிக்கு பயணியர் விமான சேவை இயக்கப்படுகிறது. நேற்று மதியம், 1:40க்கு கொச்சி செல்ல வேண்டிய விமானம் தாமதம் என அறிவிக்கப்பட்டது. மதியம், 3:00க்கு, 60 பயணியர் சோதனை செய்யப்பட்டு, காத்திருப்போர் அறையில் அமர வைக்கப்பட்டனர். ஆனால், சிறிது நேரத்தில், அந்த விமானம் ரத்து செய்யப்பட்டதாக, அலையன்ஸ் ஏர் நிறுவன அதிகாரிகள் தெரிவித்தனர். ஆத்திரம் அடைந்த பயணியர், அலுவலகம் முன், போராட்டத்தில் ஈடுபட்டனர்.