ஆத்துார்: ஆத்துார், கெங்கவல்லி பகுதிகளில் முறைகேடாக மது விற்பதாக புகார் எழுந்தது. இதனால் நேற்று இரவு, 10:40 மணிக்கு, ஆத்துார் டி.எஸ்.பி., சதீஷ்குமார் தலைமையில் தனிப்படை போலீசார் ஆய்வு செய்தனர். அப்போது கெங்கவல்லி டாஸ்மாக் கடை அருகே உள்ள பாரில், மதுபாட்டில் விற்ற, சங்ககிரி, சத்யா நகரை சேர்ந்த அருண்குமார், 28, என்பவரை கைது செய்தனர். அவரிடம், 192 பீர், பிராந்தி பாட்டில்களை பறிமுதல் செய்தனர்.