மேட்டூர்: ஈரோடு மாவட்டம் அந்தியூர், சென்னம்பட்டி கால்நடை மருத்துவமனை அருகே வசித்தவர் சுந்தரராஜ், 60. அதே பகுதியில் மளிகை கடை வைத்துள்ளார். நேற்று முன்தினம் காலை, 10:00 மணிக்கு, மனைவி செல்வியுடன், மேட்டூர், கருமலைக்கூடல் அடுத்த டி.எம்.சி., நகருக்கு வந்தார். மாலை, 4:30 மணிக்கு, 'ஆக்டீவா' மொபட்டில் ஹெல்மெட் அணியாமல், சீத்தாமலை வழியே மேட்டூர் நோக்கி சென்றுகொண்டிருந்தார். அப்போது கட்டுப்பாட்டை இழந்த மொபட் சாய்ந்தது. தடுமாறி விழுந்ததில் படுகாயம் அடைந்த சுந்தரராஜ், அருகே உள்ள தனியார் மருத்துவமனையில் அனுமதிக்கப்பட்டு, நள்ளிரவில், மேட்டூர் அரசு மருத்துவமனைக்கு கொண்டு செல்லும் வழியில் உயிரிழந்தார்.